ओलीलाई नै चरीको धम्की आएको बजार हल्ला

पुतलीसडकतिर अर्को छ बोली, प्रहरी हवल्दार हुन् खुश्वु ओली ?

डन दिनेश अधिकारी चरी इन्काउन्टरपछिका अनेक टिप्पणी र विश्लेषण बाहिर आउन थालेका छन् । एकाएक खुश्वु ओली अगाडी आइन् र उनी मिडियामा अन्तवार्तामा छाएकी छन् । तर, उनकै बारेमा अनेकथरी बजार हल्ला बाहिर आउन थालेका छन् । एकछिनलाई यो प्रसंग यहि राखेर चरी किन मारिएछन् भन्ने बजार हल्लातिर लागौं ।

किस्सा–१,
प्रहरीको मस्ट वान्टेडमा परेपछि चरीले जोगाइदिनका लागि केपी ओलीका पिए रमेश आचार्यलाई फोन गरे अरे । त्यसपछि उनले केपीसँग लामो समय पाएनन् । केपीसँग समय मिलाउनका लागि उनले महेश बस्नेतसँग पनि कुराकानी गरे रे, तर बस्नेतले पनि कान ठाडो बनाएनन् भन्ने सुनिन्छ ।
चरी काठमाडौं झरेपछि निरन्तर बस्नेत र आचार्यसँग सम्पर्कमा पुगे अरे । तर, केपीसँग समय नपाएपछि उनले केपी पिए आचार्यलाई नै ज्यान मार्ने धम्की दिएको हल्ला छ । ‘सवैलाई बनाउन सक्ने मान्छे, म विगार्न र भत्काउन पनि सक्छु भनेर आचार्यलाई धम्की दियो रे’, अनामनगरतिर एउटा चियागफमा सुनेको कुरा,‘त्यसपछि किन रहन्थ्यो चरी, कसरी उड्थ्यो भरभरी ?’

किस्सा–२,
अहिले मिडियामा एक्स्ट्रा लभको कुरा गर्ने चरीप्रेमी खुश्वु ओली प्रहरी हवल्दार हुन् रे । निक्कै बजार हल्ला छ । यस्तो हल्लाचाँही पुतलीसडकतिर छ । चरी प्रकरणले घनचक्कर बनाएको सहरमा अनेकथरी हल्ला छन् । हवल्दार खुश्वुले नै सुराक गरी चरीको गुँड भत्काएकी हुन् भन्ने बजार हल्ला सुनेर हैरानी भइसकियो ।


किस्सा–३,
एमाले महाधिवेशनदेखि नै चरीले राजेन्द्र पाण्डेलाई सहयोग गरेका कारण सदनमा पनि उनको आवाज ठूलो भएको थियो रे । चरीले साथ दिएका कारण नै पाण्डे उनीप्रति सकारात्मक भएको पनि चर्चा छ ।