आमा विर्सिनेहरुका लागि

-वि'नोद 

म किञ्चित खुसी छैन
अनि, सुखी पनि छैन
मानिसका शव्दहरु सुनेर
अक्षरहरु देखेर
आज देखाउने पराक्रमहरु बढेका छन्
कुनै आमुख दिनको सहारामा
हरपल सम्झिरहनुपर्नेहरुका लागि
मायाका अक्षररुपी प्रतिविम्बहरु
देखिरहेको छु, पढिरहेको छु ।
मलाई लाग्छ प्रत्येक विहानी
प्रत्येक सुरुआती दिनहरु
उनका अनुहारहरुबाट, तस्विरहरुबाट
आशिर्वादको मनशान्ति आशा लिएर
झुल्किन्छन्, झुल्काउनुपर्छ
यो दिन खास मान्नेहरुका लागि
खास हुनसक्छ,
जो जीवनप्रति गर्व गर्छ
उसका लागि प्रत्येक दिनहरु
आमामय छन्, मेरो सन्देश
आज आमा सम्झिएर
अन्य दिनमा विर्सिनेहरुका लागि ।