एक लोकगायिकाप्रति चिनका राष्ट्रपतिको आशक्ति, ४० मिनेटमा नै विवाहको फैसला गरेका थिए चीनका राष्ट्रपति सी जिङ पिङको दक्षिण एसीया भ्रमण जारी रहँदा उनी छिमेकी मुलुक भारतमा छन् । उनका साथमा छिन्, पत्नी पेंग लियुआन पनि । पेंग निक्कै चर्चित चिनियाँ लोकगायिका र फेसन डिजाइनर पनि हुन् । अब पेंगले आफ्नो स्टाइललाई दुनियाँभरी छरेकी छन् ।
कम्तिमा ३० वर्षसम्म पेंग चीनकी सुपरस्टारका रुपमा थिइन् । पिङसँग विवाह गर्नुभन्दा अगाडी उनको चर्चाको कमाल कम थिएन । पेंगको विवाह पिङसँग करिब २७ वर्षअघि १९८७ मा भएको थियो ।विश्वका शक्तिशाली राष्ट्रपति पिङ र पेंगको पहिलो भेट विवाहको एक वर्ष अघि अर्थात्, १९८६ मा एक आम साथीका रुपमा भएको थियो ।
पेंग र पिङको जीवनभरको साथीका रुपमा बाँधिने निर्णय कम्तिमा ४० मिनेटमा तय भएको पनि बताइन्छ । पेंग चीनको पिपुल्स लिवरेशन आर्मीमा सवैभन्दा कम उमेरमा मेजर जनरल हुने एकमात्र नागरिक थिइन् ।
चीनमा गीत गाएर सवै अवार्ड हात पारेकी पेंग चीनकी प्रथम यस्ती नागरिक हुन् जसले परम्परागत संगितमा मास्टर डिग्रि प्राप्त गरेकी छन् । सन् १९६२ मा पेंगको जन्म एक गरिब परिवारमा भएको थियो । तर गरिबीबाट निस्किएर पेंग चीनकै नामी गायिका भइन् । अहिले उनी चीनकी राष्ट्रपतिकी श्रीमतिका रुपमा उनी पहिलो महिलाका रुपमा परिचित छिन् । सन् २०१४ मा फोव्र्स पत्रिकाले पेंगलाई दुनियाँका शक्तिशाली महिलाका रुपमा ५७ नम्बरमा राखेको थियो ।–एजेन्सीहरुको सहयोगमा
(कृपया यो आलेख कपी गर्दा यो व्लग र लेखकको नामलाई समावेश गर्नुहोला..अन्यथा कपीराइट अधिकार कायम हुनेछ ।)
No comments:
Post a Comment