जियासँग टाँसिएको मन, एमालेभित्र अलपत्र भुवन

एमाले दल हो अनि जिया दलदल हो । दलदलबाट दलमा छिर्नका लागि भुवनले अझै मिहेनत गर्नुपर्छ भन्ने पाठ सिकेका छन् की रिसले चुर भएका छन् ?

000

हुन त यस्ता चर्चामा आइरहने भुवन पनि रेखा थापाभन्दा कहाँ कम छन् र ? उनी पनि संविधानसभा निर्वाचनको दौरानमा मुर्गा बनाइएका अर्का कलाकार हुन् । 

एमाओवादीले रेखालाई बनायो, एमालेले भुवनको देनको बली चढायो ।  

अभिनेत्री जिया केसीसँग मन टाँसिएको चर्चासँगै मिडियामा छाएका पुराना अभिनेता भुवन केसी संविधानसभा निर्वाचनका क्रममा नेकपा एमालेको चुनाव प्रचारमा खटिए । देशव्यापी रुपमा उनी चुनावी मैदानमा दौडिए, समानुपातिक सभासद बन्ने निश्चिततामा । तर, जसै एमालेले निर्वाचन आयोगमा समानुपातिक सुची बुझायो, तसै भुवनको मन पनि चर्कियो । किनभने त्यहाँ भुवनको नाम थिएन । हुन त एमालेका भेट्रान नेताहरुको नाम नअटेको ठाउँमा भुवनजस्ताको के अट्थ्यो र ? प्रत्यक्षमा काठमाडौं क्षेत्र नम्बर १ बाट उमेदवार बनाएर एक रातमा नै नाम हटाइएका भुवन झण्डै झण्डै राप्रपा नेपाल छिरेका थिए । तर, उनी त्यहाँ पनि गएनन् । जस्तो भएपनि आफु एमाले नै भएको बताउने भुवनलाई थाहा थिएन, राजनीतिक दल जियाको मनजस्तो होइन भन्ने ? हुन त भुवनले बुझ्नुपर्ने के हो भने जिया र एमाले एउटै होइनन् । जिया प्रेमको दलदल हुन्, एमाले राजनीतिको दल । अनि, कसरी उस्तै हुनसक्छ ? प्रेममा चाँडो प्राप्ति हुन्छ, अनि राजनीतिमा ढिलो । रेखा थापाको राजनीतिक जीवनबारे टिप्पणी भइरहँदा ढुक्क र मख्ख परेका भुवनपनि राजनीतिक दलमा लाग्दा सहिद बनाइएका अर्का पात्र हुन् । 

जिया केसीको बारेमा धेरैले लेखिसकेका छन् । उनी अंग प्रदर्शन गर्न रुचाउने नयाँ अभिनेत्री । कथाले माग्दा जतिसुकै र जस्तोपनि गर्नसक्ने उनको कला देखेर भुवन लठ्ठीएपनि होला । भुवनको व्यक्तित्वसँग जिया भुतुक्क भएकी रे । तर, एमाले जिया त होइन, भुवन नहुँदै सक्किने । प्रदिप नेपालजस्ता नेतालाई त सभासद नबनाउने एमालेले भुवनलाई किन बनाउँथ्यो र ? देशभरका सभामा भाषण गर्न लगाएर पार्टी दोस्रो बनेपछि भुवनले आफुलाई एमाले भनेपछि नै हो भन्ने बुझाई छ । 

तर, जे होस् अव भुवनले सपनाको महल छाडेर फिल्मतिर ध्यान दिए हुने भयो । त्यसमा उनलाई एमालेको सहानुभुति रहलाजस्तो लाग्छ ।