अपोजिटले नियाल्ने ‘फस्ट लुक्स’

 राजकुमारीको यौवनले एउटा ‘कोब्लर’ लाई जुत्ता बनाउने ऊर्जाको बयान त्यसमा उल्लेख गरिएको छ । उसले हरेकपटक बनाएका जुत्ताहरू एकभन्दा अर्को राम्रो थियो र जुत्ता राजकुमारीले मन पराएकी थिइन् । 

दैनिक जीवनको प्राविधिक सुरुआतचाहिँ बाथरुमदेखि बेडरुमसम्म हुन्छ । यो बनेर देखिनेहरूको जीवनको छोटो दैनिकी हो खासगरी सेलिब्रिटी बन्ने होडमा सहर छिरेकाका लागि । त्यसमा पनि कृत्रिम सुन्दरताका भोगी, युवतीभन्दा पनि युवाका लागि यो टिप्स अनिवार्य हुन सक्छ । 

जुत्तालाई निकै सरलरूपमा व्याख्या गरिन्छ । जति सरल रूपमा जुत्ताको उदाहरण हामीले दिने गर्छौं, त्यति सरल नहुँदो रहेछ, जुत्ताको कथा । तपाईंले कस्तो जुत्ता लगाउनुभएको छ रु यो चर्चा खुट्टा देखाइने हरेक ठाउँमा हुन सक्छन् । तपाईंले जुत्ता आफ्ना लागि मात्र लगाउनुभएको हो र रु पक्कै आफ्ना लागि त हो नै तर तपाईंभन्दा ज्यादा त्यसको ख्यालचाहिँ सहरमा हिँड्ने हरेक युवतीले गरेका हुन्छन् । युवकले युवतीको व्यक्तित्वलाई कहाँबाट नियाल्छन् रु त्यसबारे उल्लेख गर्नु उपयुक्त नहोला तर युवतीले युवकको व्यक्तित्वचाहिँ विश्लेषण गर्ने तपाईंको लगाइमा फरक पर्छ । कुनै विद्वान्ले भनेका छन्, युवकलाई नियाल्ने क्रममा युवतीको पहिलो नजर जुत्तामा पर्छ । जुत्ताबाट उनीहरू युवकको व्यक्तित्वलाई मनमनै विश्लेषण गर्छन् ।

त्यसो त जुत्ताको विषयमा एउटा रुसी कथा निकै रमाइलो छ । ‘राजकुमारीको जुत्ता’ शीर्षकको कथा अत्यन्तै रोचक थियो जहाँ जुत्ताको महत्वलाई दर्साइएको छ । राजकुमारीको यौवनले एउटा ‘कोब्लर’ लाई जुत्ता बनाउने ऊर्जाको बयान त्यसमा उल्लेख गरिएको छ । उसले हरेकपटक बनाएका जुत्ताहरू एकभन्दा अर्को राम्रो थियो र जुत्ता राजकुमारीले मन पराएकी थिइन् । सडकमा जुत्तालाई टल्काउने मानिसहरूलाई थाहा छ, त्यसको महत्व । उनीहरू सडकमा हिँड्ने हरेक व्यक्तिको जुत्तालाई हेर्छन् र बनाउने विषयमा सुझाव दिन्छन् । जुत्ताले मानिसको व्यक्तित्व झल्काउने भएका कारणले नै फेरेर जुत्ता लगाउनेहरू कम छैनन् । 

जुत्ताको चर्चा अफिसमा हुन्छ, कलेजमा हुन्छ अनि चौतारामा पनि । जुत्ताको महत्व पार्टीमा हुन्छ, खेलमा हुन्छ अनि अन्य ठाउँमा पनि । मानिसहरू ठाउँअनुसार जुत्ताको प्रकारमा रमाउँछन् र यही बजारमा नेपाली उद्योगको अहिले विशाल उपस्थिति छ । त्यसकारण पनि नेपाली बजारमा फस्टाएको छ— जुत्ता उद्योग । जुत्ता बजारमा मानिसको भिड नहुने भए, चल्दैनथे एक्स्पो र अन्य विविध जुत्ता विशेष कार्यक्रम । 

जुत्ताको कुन ब्रान्ड हाम्रा लागि उपयुक्त हुन्छ रु अलिकति हिल भएका र बजारमा बज्ने जुत्ता देख्दा मानिसको वैचारिक मनोविज्ञान र उसको व्यक्तित्व ठम्याउन सकिन्छ । जो शिक्षण पेसामा लागेका छन्, उनीहरूको जुत्ता भलाद्मी देखिने हुन्छ । टल्किने र सफाचट जुत्ता उद्यमीले लगाउँछन्, अझ महिलाको ‘हिलबेस’ जुत्ताका फरक–फरक महत्व छ । मनोवैज्ञानिक रूपमा विश्लेषण गर्ने हो भने पनि जुत्ताले मानिसको शरीरका विभिन्न भागलाई प्रष्ट्याउने कोसिस गर्छ ।

नेपालमा पनि जुत्ताका सौखिन कम छैनन् र नेपाली जुत्ताबजारको उपस्थिति पनि कमजोर देखिएको छैन । लगानीमैत्री वातावरणको अभाव देखाउँदै मुलुकका प्रतिष्ठित उद्योग र व्यावसायिक प्रतिष्ठान बन्द तथा धराशायी हुँदै गइरहेका बेला जुत्ता व्यवसाय भने फस्टाउँदै गइरहेका छन् । स्वदेशी ब्रान्डका जुत्ता चप्पलले नेपाली बजारमो हिस्सा बढाउँदै गइरहेको व्यवसायी बताउँछन् ।

नेपालमा उत्पादित जुत्ता चप्पलले नेपाली उपभोक्ताको कुल मागको झन्डै ५५ प्रतिशत हिस्सा ओगट्न सफल भएको नेपाल छाला जुत्ता तथा वस्तु उत्पादक संघले जनाएको छ । नेपालमा अहिले वार्षिक ५ करोड जोर जुत्ता चप्पलको माग छ जसमध्ये ३ करोड जोर जुत्ता चप्पल स्वदेशमै उत्पादन हुने गर्छ ।

जुत्ताको महत्व जति छ, त्यति नै यसको बजार बढिरहन्छ । मानिस खाली खुट्टा जन्मिन्छ तर जुत्ताविना जीवनयात्रा गर्नचाहिँ सक्दैन । नेपालीको आम्दानीअनुसार खर्च गर्न सक्ने हैसियतका लागि नेपाली जुत्ता नै उपयुक्त हुने देखिन्छ ।