रजनी र शिल्पा छविको अँगालोमा, रेखाको चुम्बन राउटेको गालामा

छवि नयाँ अगाँलो मार्ने, रेखा राउटेलाई किस खाने 

निर्माता छविराज ओझा र नायिका रेखा थापाको चर्तिकला देखेर पनि मान्छे छक्कै पर्छन् । उनीहरुको समाचार देखेर पनि छक्क पर्छन् । रेखाले छविलाई अभिभावक भनिदिएपछि अझ मान्छे झस्किए । छवि र रेखाको उमेरको ग्यापका कारण पारिवारिक सम्बन्ध नराम्रो भएको त रेखाले आमसञ्चारमा भनिदिइन् । तर, छवि पनि के कम उनले पनि नयाँ फिल्म बनाउन थाले र नयाँ नयाँ हिरोइनहरु भित्राउन सक्ने हिम्मत रहेको रेखालाई देखाइदिए । उनले लोफरमा रजनी र लज्जामा शिल्पालाई खेलाएर रेखालाई देखाइदिखए । रेखाभने उता एमाओवादीको राजनीतिमा हार खाएपछि जंगलतिर छिरेकी छिन् । छविको गालामा उनले कतिपटक किस गरिन् थाहा छैन तर राउटेका गालामा गरेको किस तस्बिरले देखाएकै छ । त्यसो त छविले रेखालाई अँगालो मारेको तस्विर कति आए थाहा छैन, एकै पटक रजनी र शिल्पालाई दुईतिर काखी च्यापेको तस्विर आइसकेको छ । 

नायिका रेखा थापा यतिबेला सामाजिक कार्यक्रम सक्रिय रुपमा लाग्न थालेकी छिन् । नेपाली संचारमाध्यममा सधै नै विभिन्न कार्य गर्दै चर्चामा रहने रेखा यतिबेला समाजसेवामा अग्रसर देखिएकी छिन् । हङकङ पुगेर राउटेका बच्चाहरुको आमा बन्ने उद्घोष गरेकी रेखा हाल सुर्खेत पुगेकी छिन् । रेखाले आफ्नै नाममा ‘रेखा थापा फाउन्डेशन’ खोलेर समाजसेवा सुरु गरेकी हुन् । सुर्खेतको बिकट गाउँमा बसोबास गर्दै आएका राउटेहरुको बस्तीमा पुगेर उनले राउटेका ५२ परिवारलाई ५२ बोरा चामल र केही नगद सहयोग गरेकी छिन् । रेखाको यो कामको प्रशंसा गर्दै राउटेहरुले उनलाई पनि आफ्नै सन्तान भएको बताएका थिए । रेखा थापा फाउन्डेशनको टोलीसँगै रेखा आज डडेल्धुरा पुगेर त्यहाँका राउटेहरुसँग भेट गर्ने कार्यक्रम छ ।

रेखा थापा फाउन्डेशनले ५ देखि ९ बर्षसम्मका बालबालिकाहरुलाई काठमाण्डौ ल्याएर शिक्षा तथा पालनपोषणको व्यवस्था गर्ने भएको छ । जसका लागि सुरुवातमा ४ जना बच्चाहरु काठमाण्डौ ल्याउने तयारी गरिएको छ ।

जसका लागि नायिका रेखा थापाले सोमबार २४ घन्टा राउटेहरुसँग जंगलमै बिताउने तयारी गरेकी छिन् । राउेट बच्चाहरुलाई शिक्षा र पालनपोषणको व्यवस्था गर्नुका साथै उनीहरुको आमा बनेर रेखाले नागरिकता दिलाउने उद्देश्य समेत लिएकी छिन् । रेखाले आफ्नो चलचित्र ‘काली’को हङकङ प्रदर्शनबाट उठेको रकम नै हाल यो फाउन्डेशनका लागि उपलब्ध गराएर काम अगाडी बढाएकी हुन् ।

तस्विर अनलाईन खबर र मनोरञ्जनसंसारडटकमबाट